এই পৃষ্ঠাটোৰ বৈধকৰণ হৈছে
( ৮৩ )
দুলড়ী
শঙ্কৰ বদতি শুনিয়ো পাৰ্ব্বতী
ঈশ্বৰৰ গোপ্য কথা।
দ্বিজ দৈবজ্ঞক যাক যিবা দিলা
তাহাৰ শুনা ব্যবস্থা॥৮৬৬
ইতো জ্যোতিৰ্ব্বেদ প্ৰমাণ নিশ্বাস
ঈশ্বৰৰ বাজ ভৈলা।
দশ দেবতাক মুক্ষ কৰ্ম্ম কৰি
তাহাক গণিবে লৈলা॥ ৮৬৭
সুক্ষ্ম ৰেণু পলু মুহুৰ্ত্তক আদি
দণ্ড পল নিৰন্তৰ।
গ্ৰহ ৰাশি বাৰ কালৰ প্ৰমাণ
বিভাগি দিলা বৎসৰ॥ ৮৬৮
চক্ৰ সূৰ্য্য বায়ু বৰুণ কুবেৰ
ব্ৰহ্মা আদি জীৱ চয়।
ব্ৰহ্মাণ্ডে ব্ৰহ্মাণ্ডে গনিয়া থৈলন্ত
যাক যিবা ভাৱে ৰয়॥ ৮৬৯
পুণ্য অপুণ্যক যাক যেনমতে
কাল চক্ৰ গণনাক।
আয়ু লেখা কৰি ব্ৰহ্মাকো মাৰন্ত
দেখন্ত হৰি তাহাক॥ ৮৭০
