এই পৃষ্ঠাটোৰ বৈধকৰণ হৈছে
( ২ )
হেন মহেশ্বৰৰ চৰণ হৃদি ধৰি।
গুৰুৰ কৃপাক মনে পৰম সাদৰি॥ ৪
ৰচিবো দীপিকা ছন্দ নামে গ্ৰন্থ পদ।
দিগপতি সবাৰো চৰিত্ৰ বিদগদ॥ ৫
শিৱ ৰহস্যত হৰে জায়াত কহন্ত।
গৌৰীয়ে পুছন্তে যেন কহিয়া আছন্ত॥ ৬
আৰু হংস কাকিত কহিছা নাৰায়ণে।
মহা পুৰাণতো কৈলা শূক মহাজনে॥ ৭
জামল সংহিতা হৰে গৌৰীৰ আগত।
কহিয়া আছন্ত ৰাজনীতি যেন মত॥ ৮
তাকে কিছু বৰ্ণাইবাক মোৰ ভৈল মতি।
পুৰুষোত্তম মোৰ নাম গজপতি॥ ৯
অগাধ সাগৰ ইটো কথা শ্ৰেষ্ঠতৰ।
তথাপি আমাৰ আশা মিলিল ডাঙ্গৰ॥ ১০
যেন মতে নৃপ সবে পৃথিবী পালিবে।
সত্য ন্যায় ৰূপে যশ ধৰ্ম্মক স্থাপিবে॥ ১১
প্ৰথমে কহন্ত হৰে গৌৰীৰ আগত।
সপ্তম অধ্যায় অন্তে শিৱ ৰহস্যত॥ ১২
শুনিয়ো দীপিকা ছন্দ কলা দেৱতাৰ।
গৌৰীৰ আগত হৰে কহিলন্ত সাৰ॥ ১৩
⸻⸻
