পৃষ্ঠা:দন্দুৱা দ্ৰোহ.pdf/১১৬

দুহেজাৰ সৈন্য লই পালেহি৷ কটকিৰ হাতত দৰঙ্গৰ ৰজাই হৰদত্তলৈ বাতৰি দিলে যে এইবাৰ তেওঁ সৰহ সৈন্য দিব নোৱাৰিলে যিহেতু উজনীৰ পৰা আহোম ৰজা গৌৰী নাথ সিংহই পাঁচশ শিক্ষিত আহোম ৰণুৱা লই নিজেই তেওঁৰ লগত যুঁজিবলৈ আহিব লাগিছে, এইবাৰ দৰঙ্গত তয়া ময়া ৰণ লাগিব৷ বিজনীৰ কটকী যোৰাই বিজনীৰ পৰা এহেজাৰ ৰণুৱা লই আহিল৷ সিফালে কোচবেহাৰৰ পৰা মহীৰামে এজন কোচ কুমাৰে সৈতে মুঠেই পাঁচ শ কোচ ৰণুৱা আনিলে৷ পঞ্চাবলৈ যোৱা কটকি যোৰাই দুশ তৰোৱাল ধাৰী ১০০এশ বন্দুকধাৰী শিখ ৰণুৱা লই পালেহি৷ কামৰূপৰ ছয় সাত হেজাৰ ৰণুৱাৰে সৈতে এইবাৰো হৰদত্তৰ প্ৰায় দহ হেজাৰ ৰণুৱা হল৷
 ইফালে গুৱাহাটীত বৰফুকনেও দক্ষিণ-পাৰৰ-দাতি কাষৰীয়া ৰজা সকলৰ পৰা প্ৰায় ছয় হেজাৰ ৰণুৱা পালে৷ এনেতে উজনীৰ পৰা গৌৰীনাথ সিংহ ৰজাও পাচ শ আহোম ৰণুৱাৰে সৈতে গুৱাহাটী পালে৷
 গুৱাহাটী পাই ৺গৌৰী নাথ সিংহ স্বৰ্গদেৱে বৰফুকনে সৈতে পৰামৰ্শ কৰি এইটো বঢ়িয়াকৈ বুজিলে যে আহোম ৰাজাক চাৰিউফালে শত্ৰুয়ে বেঢ়ি ধৰিছে৷ উজনীভ মোৱামৰীয়া হঁতে বিদ্ৰোহ তুলিছে৷ মাজ অসমত দৰঙ্গৰ ৰজা কৃষ্ণ নাৰায়ণে যুজ ধৰিছে৷ আৰু কামৰূপত কামৰূপীয়াইও দ্ৰোহ আচৰণ কৰিছে৷ এনেকুৱা অৱস্থাত