এই পৃষ্ঠাটোৰ মুদ্ৰণ সংশোধন কৰা হৈছে
[১৮]
সেই এটী গত দিন হিন্দু জীৱনৰ সেই
সিন্ধু-গঙ্গা-কাব্ৰেৰীৰ
ত্ৰিবেনী-সঙ্গম,
আই লক্ষী-সৰস্বতী একেলগে আবিৰ্ভূতা
ৰজাৰ ভবন আৰু
ঋষিৰ আশ্ৰম।
[১৯]
ৰথৰ ঘৰ্ঘৰ ৰৱ ধনুৰ টঙ্কাৰে আৰু
এঠাত উন্মাদ স্ফূৰ্ত্ত
ক্ষত্ৰিয় গৰিমা,
ই ঠাইত বেদৰ ধ্বনি থাকি থাকি সুগম্ভীৰ
বিৰাজে কি স্তব্ধ মৌন
ব্ৰাহ্মণ-মহিমা।
[২০]
ব্ৰাহ্মণ-মহিমা সেই দীপ্ত কৰি হোম-অগ্নি
জ্বলিব ধৰিলে আহা
যেতিয়া যজ্ঞত,
কোন সি দেৱতা আহি দ্যুলোকে-ভূলোকে ভাহি
লগালেহি কৌতূহল
ঋষিৰ মনত?
[২১]
‘কোন সি দেৱতা’ এই উঠিল গভীৰ প্ৰশ্ন
‘দীপ্তিত কাৰ দীপ্ত, হই
উদিছে ৰবি,
(২০)
