এই পৃষ্ঠাটোৰ বৈধকৰণ হৈছে
সপ্তম স্বৰ্গ।
——––৹৹০৹৹––——
“ No no, I will not say it⸻⸻
⸻⸻I choose, I will not take a heave
Haunted with shrieks of fal-off misery.
⸻⸻⸻George Eliot
কতনাযে ল’ৰা ৰজা ফুচুলায় কুঁৱৰীক
তথাপি নকয় ৰাণী কথা সোৱামীৰ।
কিৰূপেনো কয় তেওঁ? কিয়নোবা ক’ব, হায়?
স্বামীহেন ধন আৰু আছে কি তিৰীৰ?
কতনাযে ল’ৰা ৰজা শাস্তি দিছে কুঁৱৰীক,
কতনো কইছে, “কছোঁ গদা কেনি গ’ল?”
কত চৰ কত ভুকু পৰিছে লাহৰি গাত,
তথাপি নকয় একো কুঁৱৰী অটল॥
অমানুষী অত্যাচাৰ নিৰৱে সহিছে ৰাণী,
নিৰৱে নিৰলে কান্দি চকুলো টুকিছে।
তথাপি নকয় তেওঁ স্ৱোৱামীৰ কথা একো,
