এই পৃষ্ঠাটোৰ বৈধকৰণ হৈছে
(২২)
ট ’’ টলবল নকৰিবা মন।
ঠ ’’ ঠিৰ ৰূপে কৰিবা ভ্ৰমণ॥
ড ’’ ডৰ নকৰিবা একো নৰে।
ঢ ’’ ঢলিয়াব চক্ৰ ধৰি কৰে॥
ণ ’’ গলমলা নামে লোৱা লেখ।
ত ’’ তাৰি নিব বৈকুণ্ঠ প্ৰবেশ॥
থ ’’ থিৰ ৰূপে লোৱা হৰি নাম।
দ ’’ দয়াময় কৃষ্ণ হৰি নাম॥
ধ ’’ ধৰ্ম্মমতে লোৱা হৰি নাম।
ন ’’ নৰতনু ঈশ্বৰক পাম॥
প ’’ পৰম সাদৰি হৰি নাম।
ফ ’’ ফল পাবা সিদ্ধি হব কাম॥
ব ’’ বৈকুণ্ঠলৈ নামে হব ৰথ।
ভ ’’ ভয় নাই নামেসে সাৰ॥
ম ’’ মনুষ্যৰ পাপ হব মুক্তি।
য ’’ যতে ততে নামে কৰে ৰতি॥
ৰ ’’ ৰাম নাম নেৰিবা সদাই।
ল ’’ লবা ঘণে ঘণে নামৰ সহাই॥
ৱ ’’ অৱশ্যে হৈবে নিস্তাৰ।
শ ’’ শৰীৰত পাপে হব সাৰ॥
ষ ’’ ছয় চক্ৰ নামেসে বসতি।
স ’’ সদা সদা লভিব মুকুতি॥
হ ’’ হৰি হৰি বোলা সবে নৰে।
ক্ষ ’’ ক্ষন্তেকতে তাৰিব ঈশ্বৰে॥
