এই পৃষ্ঠাটোৰ বৈধকৰণ হৈছে
(১৮)
কুকুৰা যুঁজাবৰ কাঠি মোৰ বুঢ়ী আই
কুকুৰা যুঁজাবৰ কাঠি৷
গাওঁৰ বাই ভণী মাতি আন বুঢ়ী আই
হাচটি কৰোগৈ বাতি॥
দীঘলি বাটতে ৰাচ বাতি কৰে
ৰাচৰ নেখেলিলে কনি৷
ফলিয়া বেতৰে মোচোৰা মাৰিলে
মোচোৰা নেপালে মণি॥
চিলাই পুঠি মাছ নিলে বাই বুঢ়ী আই
চিলাই পুঠি মাছ নিলে।
গোট বাঁহকে লয় চাছি কাটি
হাচটি পুটলত দিলে॥
কি খৰি লুৰিবৰ চহে বাই বুঢ়ী আই
কি খৰি লুৰিবৰ চহ৷
গোট ভলুকা বাঁহ লয় থোৰ চিঙ্গি
হাচটিত লগালে বহ॥
⸻
নাহৰৰ জুনা৷
আই আই বুলি নাহৰে মাতিলে
মাকৰ মুখলৈ চাই৷
কিয়নো মাতিছা নাহৰ চেনিমুৱা
চৰুত পঁয়তা ভাত নাই॥