এই পৃষ্ঠাটোৰ বৈধকৰণ হৈছে
জাকৈয়া ছোৱালী
আকাশত ৰেখা আঁকি বগলীৰ শাৰী
সৰিয়হডৰাৰ মাজেৰে সিহঁতে লানি পাতে
গামোচাৰে বন্ধা খোপা হাওলা
খিল্খিল্ হাঁহিৰ হাতচাপৰি
কঁহুৱাৰ চুলিত আউল লগোৱা বলিয়া বতাহে
নচুৱাই কঁকাল খালৈ বন্ধা জৰী
মেটেকা ফুলে চুই চাই মেঠনিমৰা বুকুবোৰ
বৰফ বগা গলধনত আঙুলি বুলাই কঁহুৱাই কয়
আহিবাচোন আকৌ এবাৰ
শিপাতে সামৰি থ’ম শ’লমাছ এবাহ
নলনিৰ আঁৰত গৰখীয়া
উজায় আহি বনগীত এফাকি ডিঙিত লাগি ধৰে
কোনে দেখে জোকে ধৰা কলাফুল
কেমেৰা দৃষ্টিৰে সিহঁতে কঢ়িয়াই নিয়ে
পানীৰে পিচল দেহ
নিষিদ্ধ সপোনৰ আকাশ আৰু এটি হুমুনিয়াহ
৩৬//তটিনী তীৰৰ খেলা
