এই পৃষ্ঠাটোৰ বৈধকৰণ হৈছে
টোকোৰা চৰাই
দোঁৱাই আনি তামোলৰ পাত
ঠোঁটত তোৰ ছিৰলী পাতৰ সূতা
নিখচি গোঁঠ শিপিনীৰ চেলেং
হেঁপাহৰ ঘৰ মৌবিচনী এবাহ
টেবুল লেম্পৰ চিম্নি আঁৰি চুবুৰি পাতিলি
খলকনি পুৱা আৰু সন্ধ্যাৰ প্ৰহৰ
উজ্বলিল তামোলনি ঘৰৰ চৌপাশ
অভিমানী প্ৰেমিকাৰ দৃষ্টি টানি
গোঁঠি তোল তোৰ ঘৰ নিৰহ-নিপানী
ৰ’দ-বৰষুণে প্ৰেমৰ ছাতি
সজাতে মুকলি তোৰ বুকুৰ হাঁচটি
তোৰ সজাৰে জোতা সাজি ধূলি লোৱা শৈশৱ
টুপী পিন্ধা গৰখীয়া দুপৰ
যৌৱনত কাঢ়িছোঁ তোৰ চকুৰ হেঁপাহ
উদ্গ্ৰীৱ উৎসুক মোৰ প্ৰেমৰ উলাহ
বতাহৰ গানত সাৰ পালে চৰাইৰ চুবুৰি
ওমলা ঘৰত দেওধ্বনি নাচ
তোৰ ছাঁতে মোৰ টোকোৰা পঁজা
খেৰৰ ছালত শোৱে জোনাক আকাশ
বাঁহ-বেত টানি কামিত সানো গোবৰ কৰাল
অনুকৃতি মোৰ ঘৰ—স্থপতি তোৰ
ইয়াতে উমনি দিওঁ নিৰ্ভীক পোৱালি এবাহ
(২০০০)
১২//তটিনী তীৰৰ খেলা
