এই পৃষ্ঠাটোৰ বৈধকৰণ হৈছে
: তথাপিতো তুমি আছা মই আছোঁ
কবিতাৰ ৰাগি আছে বাকী আছে
ধাতুক সোণ কৰাৰ হাজাৰ সপোন
: আয়ুস তোমাৰ?
: অনাহাৰীৰ দেশত জনম
খুব বেছি পইষষ্ঠি অথবা তাতোকৈয়ো কম
: নিযুতেৰে ঘেৰা অনন্ত প্ৰৱাহক
তোমাৰ আয়ুসেৰে ভাগ কৰিব লোৱা
জীৱনৰ দাস.......
: অদ্ভুত অংক
ক’ত সেই নিৰ্বিকাৰ স্তম্ভ
স্তব্ধ ঘড়ীৰ কাঁটা
শৈশৱত চলোৱা টায়াৰটোৰ দৰে মগজুত ঘূৰ্ণি
তথাপি কাণত বাজে প্ৰায়
সাত শ কোটি হৃৎপিণ্ডৰ নিশব্দ কোৰাচ
তাৰে এটি নৈশব্দত মোৰ কলিজাৰ স্বৰ
: মেলাচোন হাতৰ তলুৱা
তাতে বৃত্ত এটি আঁকা
সাত শ কোটি বিন্দু আঁকি
নিজৰ বিন্দুটি আবিষ্কাৰ কৰা
: অদ্ভূত জ্যামিতি
অদ্ভুত অংক
সীমাহীন শূন্যতা
আন্ধাৰ সুৰংগ
সমুখত
এক কৃষ্ণ গহ্বৰ.........
২৫
