এই পৃষ্ঠাটোৰ বৈধকৰণ হৈছে
৮৮
অদৃশ্য শক্তি মোৰ প্ৰযোজ্য
কেৱল দেহত নহয়, দেশত নহয়,
ইহকাল-পৰকাল সকলো তোমাৰ
বিনাশ কৰিব পৰা মই মহাকাল,
চৌদিশে তথা সৰ্বকালৰ বাবে
ব্যাপ্ত কৰোঁ মাথোঁ মই আকাল।
চিৰ নিলগীয়া তুমি,
আহিছিলা অকলে, যাবাগৈ অকলে,
মৃতদেহ ব’বলৈও নাপাবা সংগী তুমি,
সংগীহীনতাক সংগী কৰাব পৰা,
শ্ৰেষ্ঠতাৰ গৰ্বক মষিমূৰ কৰা,
প্ৰকৃতি বিনাশকাৰীক ধূলিত
বিলীন কৰিব পৰা,
অজ্ঞাত, অদৃশ্যৰূপী
কৰ’না নামধাৰী মই মহাকাল।
নিজেই তোলা শিল
পাহাৰখনৰ ওপৰত
যোগান মন্ত্ৰী নামে এটা
প্ৰকাণ্ড শিল আছিল
বেপাৰী নামৰ ৰঙা শুকান মটিবোৰে
খামোচ মাৰি ধৰি ৰাখিছিল।
বাৰিষাৰ বৰষুণত
বাট-পদূলি বানেৰে বুৰিল
পাহাৰৰ মাটিবোৰ কুমলিল।
