এই পৃষ্ঠাটোৰ বৈধকৰণ হৈছে
৮৭
হয়তো তোমাৰ গৰ্ব-শক্তিৰে
পৰিত্ৰাণো পাব পাৰা,
পাব পাৰা ওভভাতাই জীৱন,
তথাপি মোৰ গ্ৰাসত তুমি
হৈ ৰ’বা জীৱন্ত-মৃত চিৰদিন।
ক 'বও পাৰা তুমি নিৰোগী
তথাপি তুমি মোৰ কামনাৰ,
হাতৰ পুতলা চিৰৰোগী।
মৰি-মওি জীৱন জীয়াই ৰখা
তুমি মোৰ বাঞ্ছিত চিৰৰোগী।
নিলগাই ৰাখিম তোমাক
জন্মদাত্ৰী মাতৃৰ বুকুৰপৰা,
নিলগাই ৰাখিম তোমাক
ভাতৃ-ভগ্নী আত্মীয়-কুতুম্বৰপৰা,
নিলগাই ৰাখিম তোমাৰ মনক
তোমাৰেই নিজৰ শৰীৰপৰা।
ঘৃণীত নহয়ো তুমি মোৰ
ঘৃণাৰ সমুদ্ৰত উটি-ভাঁহি ফুৰা
জীৱিত হৈও নিৰ্জীৱ প্ৰাণী,
হাজাৰৰ মাজতো তোমাক
চিৰ নিসংগ কৰিব পৰা মই
দিগন্ত বিয়পা অসীম অদৃশ্য
শক্তি মই ক'ৰোনা বিধ্বংসী।
