এই পৃষ্ঠাটোৰ বৈধকৰণ হৈছে
৬৫
কাৰণ-
বিষাক্ত বীজাণুৰ নাগপাশত যে
মোৰ দুয়ো হাত দুয়ো ভৰি বন্ধা।
মোৰ যৌৱন উদ্বীপ্ত কৰা দেহ ভঙ্গিমা,
প্ৰিয়াক মোহিত কৰা চকুৰ চাৱনি,
আকাশ-বতাহ মুখৰিত কৰা মোৰ
কণ্ঠৰ উত্তাল বিহুনাম বিহু-হুঁচৰি আজি
অন্ধকাৰ কোঠাৰ এটা চুকত আৱদ্ধ
বাহিৰত পহৰাৰত এক ভয়ানক বিষাণু সেনা।
সেয়ে-
নোৱাৰিলো ল’বলৈ মোৰ
তাঁত শালতে বই শালতে ৰখা
হেঁপাহৰ ফুলাম গামোচাখন।
কাক লৈ নাচোঁ বিহু-নাচ
কাক লৈ গাওঁ বিহুগীত
কবিতায়ে বা লিখোঁ কাক লৈ!
ক্ষমা কৰিবা মোক বিহুৱাকাই॥
সহযাত্ৰী হ'ব পাৰোঁ ময়ো
প্ৰতি বছৰেই মই আহিছিলোঁ
বসন্তত মতলীয়া হৈ এই পথাৰলৈ
অসমৰ জনতাৰ স’তে উমলিবলৈ।
ইয়েই আছিল মোৰ বাপতি সাহোন
উৎসৱ পালনৰ বিস্তৃত ৰম্যভূমি,
য’ত গীত-মাত-নাচত মতলীয়া
