এই পৃষ্ঠাটোৰ বৈধকৰণ হৈছে
৩৮৪
[৭৪ অ
শ্ৰীশ্ৰীশঙ্কৰদেৱ-মাধৱদেৱ চৰিত
চৈত মাস আসি ভৈলি॥১॥
দিন আঠে দশ মাত্ৰ আছিলন্ত
মাধৱদেৱৰ ঠাই।
পুনৰপি ৰাম- -চৰণ গৈলন্ত
ঘৰক কৰি বিদায়॥২॥
—সঙ্কলয়িতা ৰামচৰণ—
পাছে কতোদিনে শ্ৰদ্ধা ভৈল মনে
ৰামচৰণৰ জান
ঠাই ঠাই ঘোষা- -কীৰ্ত্তন আছয়
কৰো আনি এক থান॥৩॥
কতো আছে হাজো দক্ষিণ কূলত
কতো বৰ-নগৰত।
কতো বৰপেটা আসাম ৰাজ্যত
কতোহোঁ কালজাৰত॥৪॥
বছৰেক মান ফুৰি এক থান
কৰিলা ঘোষা-কীৰ্ত্তন।
মাধৱদেৱক পুনু দেখিবাক
গৈলন্ত ৰামচৰণ॥৫॥
মাধৱদেৱত কহিলা ভকত
আসিলা ৰামচৰণ।
কথা শুনি তান মাধৱদেৱৰ
সহৰিষ ভৈল মন॥৬॥