এই পৃষ্ঠাটোৰ বৈধকৰণ হৈছে
১২
[ ৪ অ
শ্ৰীশ্ৰীশঙ্কৰদেৱ-মাধৱদেৱ চৰিত
কতো ভাকুলুকা কতো লৱৰালৱৰি।
কত হৰিধ্বনি কৰি বজান্ত চাপৰি॥২॥
কতোবেলা শিশুগণে সমে হুয়া সাৰি।
বনে বনে বটা-চৰাই ফুৰন্ত বিচাৰি॥
আন শিশুগণে বটা গোটাক নপান্ত।
দুইচাৰি আনন্দতে শঙ্কৰে ধৰন্ত॥৩॥
বটা মেলি দিয়া পাছে গৃহক আসন্ত।
কতো শিশুগণ সমে শৃগাল খেদন্ত॥
কতোহো নদীত নামি সাতুৰি ফুৰন্ত।
জল ঝান্টি ক্ৰীড়া কতো কৌতুকে কৰন্ত॥ ৪॥
কোনে কতবেলি থাকে বুলি বুৰ দেন্ত।
সবাতো অধিক দেৱ শঙ্কৰ থাকন্ত॥
কোনোবেলা মহাৰঙ্গে শুশু বুৰ দেন্ত।
কতো কাক লাগ নেদি শঙ্কৰ থাকন্ত॥ ৫॥
হাত ভৰি এৰি চিত্তে ফুৰন্ত উঠিয়া।
কৌতুকে মাতন্ত কতো জালে বুড় দিয়া॥
এহিমতে নানা ক্ৰীড়া কৰিয়া জলত।
শিশুগণ সমে পাছে উঠন্ত পাৰত॥ ৬॥
দেন্ত লৰ গৃহক আনন্দে অতিশয়॥
লগৰীয়া[১] শিশুগণে লাগ নাপাৱয়॥
গৃহক আসিয়া পাছে ভোজন কৰন্ত।
সেহি সময়ত তাঙ্ক গোসানী বোলন্ত॥ ৭॥
- ↑ পাঠান্তৰ-সমনীয়া।
