এই পৃষ্ঠাটোৰ বৈধকৰণ হৈছে
১৫৮
৩৫ অ
শ্ৰীশ্ৰীশঙ্কৰদেৱ-মাধৱদেৱ চৰিত
গাৱে গাৱে এক আধটকী কৰি
প্ৰতি দিনে দিনে দিল।
লেখা কৰিবাৰ নেদেখি শঙ্কৰ
প্ৰত্যেক দিনে পুছিল॥৫০॥
মাধৱে কহন্ত ভকতে দিয়ন্ত
শঙ্কৰে পুনু পুছন্ত।
কোন ভক্তে দেন্ত নাম ধৰি কোৱ
মাধৱদেৱ কহন্ত॥৫১॥
—শ্ৰেষ্ঠদান—
আজি ৰামৰাম গুৰুৱে দিলন্ত
কালি ৰামৰায় দিলা।
সি আধটকীক কেহোঁ সম নুহি
শঙ্কৰে হাসি বুলিলা॥৫২॥
দেখাদেখি তেসে দিয়া তুমি সবে
তেঁ পুনু দিল শ্ৰদ্ধায়।
এতেক তাঁহাৰ সম নুহি পুনু
বুজিবাহা অভিপ্ৰায়॥৫৩॥
শুনা সাধু নৰ পাপ অৰণ্যৰ
ইটো কথা হুতাশন।
নাশৈ মন্দ বুদ্ধি হোৱৈ চিত্ত শুদ্ধি
মহা পুণ্য সঞ্চয়ন॥৫৪॥
দুৰ্গতি তাৰণ মুকুতি-কাৰণ।
মহাসুখ বিবৰ্দ্ধন।