এই পৃষ্ঠাটোৰ বৈধকৰণ হৈছে
৩৫ অ ]
১৫৭
শ্ৰীশ্ৰীশঙ্কৰদেৱ-মাধৱদেৱ চৰিত
শঙ্কৰদেৱৰ কথা নিৰন্তৰ
মাধৱে তান্ত কহিলা॥৪৪॥
তৈৰ পৰা চাই শঙ্কৰদেৱক
আঠু পাৰি প্ৰণমিলা।
ইহাৰে বেসাতি কিনা আজি বুলি
আধটকী গোট দিলা॥৪৫॥
মাধৱে ভঙ্গায়া বেসাতি কিনিয়া
মনত আনন্দে গৈলা
ৰামৰাম গুৰু আদি ভক্ত সবে
শঙ্কৰদেৱে ভুঞ্জিলা॥৪৬॥
ভোজনৰ অন্তে শঙ্কৰে পুছন্ত
কড়িখিনি লেখি লোৱা।
ন লাগে আজিৰ লেখা কৰিবাক
বেসাতি গৈ আছে পোৱা॥৪৭॥
এক বুঢ়ী শুনি তোমাঠেৰ কথা
আধ টকী গোট দিলা।
তাহাকে ভঙ্গায়া বেসাতি কৰিয়া
ভোজন আদি কৰিলা॥৪৮॥
—দানত প্ৰতিযোগিতা—
শঙ্কৰে বোলন্ত কোটি কোটি যজ্ঞ
কৰিলা বুঢ়ী নিশ্চয়।
এহি শুনি ৰাম- —ৰাম গুৰু আদি।
ভকত যত আছয়॥৪৯॥
