এই পৃষ্ঠাটোৰ বৈধকৰণ হৈছে
৭৮
শ্ৰীশ্ৰীশঙ্কৰদেৱ-মাধৱদেৱ চৰিত
বোলে ঘনে ঘনে সবে বোলা হৰি হৰি॥২৪॥
সবলোকে জোৰে জোৰে কৰে হবিৰাৱ।
সবাৰো মনত মহা আনন্দ উৎসৱ॥
কতোক্ষণে ভৈলে কবি গীতা সম্বৰণ।
হৰিষে কৰন্ত সবে গৃহক গমন॥২৫॥
এহিমতে গীতা প্ৰতি দিবসে শুনন্ত।
বিয়াসকলায়ো এহিমতে নিতে কন্ত॥
শুনা সাধুজন ইটো কথা মহোৎসৱ।
পাপ দূৰ হৌক বোলা শঙ্কৰ মাধৱ॥২৬॥
———
বিংশ অধ্যায়
-ব্ৰাহ্মণৰ বিবাদ মীমাংসা-
শুনিয়োক সাধুজন আত অনন্তৰে যেন
মিলন বিবাদ কহোঁ তাক॥
এহিমতে আছা তৈতে শঙ্কৰে কৰন্ত ভক্তি
বিপ্ৰগণে নসহিয়া তাঙ্ক॥১॥
আচাৰ্য কন্দলী, মিত্ৰ উপাধ্যা, ভাৰতী আদি
আনো বৰ বৰ বিপ্ৰ যত।
একথান হুয়া সবে আলোচ কৰিয়া তেবে
দ্বেষ ভাবে শঙ্কৰ দেৱক॥২॥
