এই পৃষ্ঠাটোৰ বৈধকৰণ হৈছে
৭৯
শ্ৰীশ্ৰীশঙ্কৰদেৱ মাধৱদেৱ চৰিত
--ভকতক অত্যাচাৰ-
নানান বিতণ্ডা হয় কৰিব লাগিলা ভয়
ভকতক বিগুতি মাতয়।
আজি কাৰ ঘৰে যাইবা ফলাৰ কৰিতে পাইবা
এহিবুলি হাসে বিপ্ৰচয়॥৩॥
মালাক লৱয় কাঢ়ি কুকুৰৰ গলে আড়ি
উপহাস কৰে বিপ্ৰগণ।
হৰি ভকতিত লোক প্ৰবৰ্ত্তিবে দেখি আতি
ব্ৰাহ্মণগণৰ দহে মন॥৪॥
ইটো সব কথা শুনি শঙ্কৰে মনত গুণি
নমাতিয়া থাকিলন্ত তথা।
শুনিয়োক সাধুসব কহোঁ আতপৰে আৰো
পাছে যেন মত ভৈল কথা॥৫॥
-শ্ৰাদ্ধত কীৰ্ত্তন-
বুঢ়াখাঁ নামে এক জন ভুঞাঁ আছিলন্ত
তেহেঁ পিতৃশ্ৰাদ্ধৰ দিনত।
ফলাৰ কৰিবে প্ৰতি নিমন্ত্ৰণ কৰি মাতি
আনিলন্ত ব্ৰাহ্মণ সমস্ত॥৬॥
আনো জ্ঞাতি মিত্ৰগণ গায়ন বায়নগণ
মাতি নিয়া অনেক উৎসৱ।
খুৱান্ত ধুৱান্ত আতি গুৱাপান দিয়া মাতি
কৰন্ত কীৰ্ত্তন হৰিৰৱ॥৭॥
বুঢ়াখাঁ মাতি তথা শঙ্কৰদেৱক নিশা
গৈলন্ত শঙ্কৰদেৱ সাজি।
