পৃষ্ঠা:চিন্তা-তৰঙ্গ.djvu/২১

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
১৩
চিন্তা-তৰঙ্গ।

প্ৰচাৰিলে যি দেশে বেদান্ত দৰ্শন
 কৰিলে বেদকো অন্ত অসীম জ্ঞানৰ
এনে মহা জ্ঞানী ঋষি য'ত জন্মিছিল
 ভাবা নে নাছিল সৃষ্টি কল কৌশলৰ?

দুৰ্য্যোধন সজা জতুগৃহ যাৰ নাম
 খাৰ বাৰুদ আদি বিস্ফোৰক বস্তুৰে
থৈছিল ভৰাই খানি মৃত্তিকাৰ তল
 বধিবলৈ পাণ্ডু পুত্ৰ কৌৰৱ নিষ্ঠুৰে।

থাকিলহেঁতেন যদি ঋষি ভাৰতত,
 নহলহেঁতেন এনে কদাপি বিলাই,
নিৰ্ব্বোধ অজ্ঞানী সন্তানৰ দ্বাৰা
 অন্তৰ অসাৰ যাৰ হিংসা দ্বেষে পাই।”

কান্দি কান্দি ধৱলাই এনেদৰে কৈ
 নিতাল মাৰিলে হৈ শোকত বিহ্বল,
গৌৰীশঙ্কৰ চাই এতিয়া সুধিলোঁ
 দেখিছোঁহে গিৰি তুমি নিমাত কেৱল।

হে গৌৰীশঙ্কৰ, লুপ্ত আজি নাম তোৰ
 মহাযোগী শঙ্কৰৰ যোগ পীঠস্থান
ভাৰত কবিৰ তুমি আৰাধ্য দেৱতা
 কিয় আছা মৌনী হৈ দিয়াহে উত্তৰ॥