পৃষ্ঠা:চিন্তা-তৰঙ্গ.djvu/১৭

ৱিকিউৎসৰ পৰা
নেভিগেশ্যনলৈ যাওক সন্ধানলৈ যাওক
এই পৃষ্ঠাটোৰ বৈধকৰণ হৈছে
চিন্তা-তৰঙ্গ।

আৰু দেখা যি সকল অসভ্য বৰ্ব্বৰ
 বুদ্ধিহীন অজ্ঞান নাজানে বিজ্ঞান,
তাকে বধ কৰে বোমা আকাশৰ পৰা
 ইও নে সভ্যতা? নাই দয়া লেশমান!

ই শিক্ষাই কুশিক্ষা দিছে পৃথিবীক
 নৰহত্যা কৰিবলৈ শিকি তেনে কথা;
হিংসাই শিকায় হিংসা নাই তাৰ ওৰ
 কৰিবলৈ অশান্তি ধৰাত সৰ্ব্বদা।

হায়! যি আৰ্য্য জাতি এইখন দেশৰ
 আছিল এদিন কেনে জ্ঞানৰ ভঁড়াল,
আজি তাৰ সন্তানে শিকিবলৈ জ্ঞান
 মাগিব লাগে বিদেশীক এনেহে কপাল।

স্বাধীনতা জাত ভয়ত হেৰালি তহঁতে
 ভাৰত সন্তানহঁত পাপৰ কাৰণে,
জাতি যোৱা জাতিয়েও ৰাখে জাতিভেদ
 পোৱাত কৈ অপমান ভালহে মৰণ।

ইচ্ছা হয় মই যেন পাতাল সোমাওঁ
 ধৰাত কৈ শোকৰ পোৰণি সদায়,
সপ্তদ্বীপ অধিশ্বৰী ভাৰত জননী
 সন্তানসকলে ভোগে অপমান বিলাই।