পৃষ্ঠা:চিন্তা-তৰঙ্গ.djvu/১৫

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
চিন্তা-তৰঙ্গ।

নহয় কবি-কল্পনা বিমানৰ কথা—
 আকাশেদি অহা যোৱা কৰা দেৱতাৰ,
মেঘৰ আঁৰত থাকি কৰিছিল ৰণ।
 মেঘনাদ আদিয়েও বীৰ অৱতাৰ।

ভাৰতৰ বাণিজ্য পোত বহু দূৰ গৈ
 আনিছিল পণ্য দ্ৰব্য নহয় কল্পনা,
মিছৰৰ আছিল মিত্ৰ কৰতলগত
 বাঢ়য় ই কথা ভাবি মনৰ যন্ত্ৰণা।

নাজাননে নল ঋতুপৰ্ণৰ আখ্যান।
 একে দিনে নল ৰজা বহু দিন পথ;
লৈ যোৱা ঋতুপৰ্ণক বিজ্ঞান-কৌশলে
 নহয় কবি কল্পনা যেতিয়া সেই ৰথ।

[১] এটি বাণ অৰ্জ্জুনৰ দহোটি যুৰিলে
 এৰিলে এশ হয় পৰিলেই হাজাৰ
নহয় নে এই ব্যোম? ভাবি চোৱাচোঁ,
 শৰ অগ্নিবাণ মাত্ৰ নোহে ধনু কাঁড়।

নালিক, পাশুপাত, শতঘ্নি, ব্ৰহ্ম-অস্ত্ৰ,
 কবিতাৰ কল্পনা এতিয়া যাক কয়,
সি বিদ্যা পাহৰিলে ভাৰত-সন্তানে
 বৈজ্ঞানিক অস্ত্ৰ বিনা একোটো নহয়।


  1. *একধা গ্ৰহণে চৈব সন্ধানে দশধা সৰা,
    প্ৰক্ষয়িপ্তা শতধা যান্তি নিপতন্তে সহস্ৰধা।