এই পৃষ্ঠাটোৰ বৈধকৰণ হৈছে
চতুর্থ দর্শন।
ৰজাৰ তামুলীচৰা।
ৰজা আরু চিকৰপতি।
ৰজা। চিকৰপতি, সেয়া কি আনিছ ?
চিকৰপতি। স্বৰ্গদেৱ, বন্দীৰ বাৰীত দিগ্ যােৱা কল এথােকা
হৈছিল, পকা দেখি তাকে সৰ্গদেৱৰ ওচৰলৈ লৈ আহিলোঁ।
ৰজা। বেছ ! বেছ ! ভাল কৰিলি। কিন্তু তােৰ বাৰীত নে
কাৰ বাৰীত ?
চিকৰপতি। সৰ্গদেৱৰ ৰাজ্যৰ গােটেইবােৰ প্ৰজাৰ বাৰীয়েই,
সৰ্গদেৱৰ চৰণৰ ধূলিৰ পৰ্সাদত বন্দীৰ বাৰী; তাত নো কি
কথা আছে।
ৰজা। (হাঁহি) বেছ, বেছ, ভাল, ভাল। কিন্তু চিকৰপতি,
তই এইবাৰ ঠেকত পৰিছিলি, অলপতে হে সাৰিলি। যুবৰাজে
সিফালৰপৰা ভেটী খাই তোৰ বিপক্ষে পূৰ দি লাগিছিলেই ;
মই হে কথমপি সরুৱালোঁ।
