এই পৃষ্ঠাটোৰ বৈধকৰণ হৈছে
৯০
চন্দ্ৰাৱলী।
উপস্থিত থাকিবা দুয়োটি
দিবা তুমি নিমন্ত্ৰণ বন্ধু-বান্ধবক।
দুয়োটিৰ কাইলকে
হৃদয়ৰ আবেগ গুচাম।
পুষ্কৰ। নোৱাৰো, নেজানো কিনো
দিম মই তোমাক উত্তৰ।
দুইৰো প্ৰস্থান।
⸻⸻
তৃতীয় গৰ্ভাঙ্ক।
⸻০⸻
এখন পথাৰ।
দুটা গৰখীয়া ল'ৰা আৰু ধনঞ্জয়ৰ প্ৰবেশ
গীত।
আলেয়-একতালা।
মাৰিছে বিজুলী মেঘৰ সঁজুলি
গাজিছে দুৰৈ আকাশত।
নিশা নামিছে বেলি ডুবিছে
ভয়ো লাগিছে হৃদয়ত।
লোকালোক অন্ধকাৰ,
তমোময় পাৰাপাৰ,
বজ্ৰ পৰিছে ধৰা কঁপিছে
কাল উদিছে জগতত।
