এই পৃষ্ঠাটোৰ বৈধকৰণ হৈছে
৫৭
চন্দ্ৰাৱলী
কৰা নাই কাৰো অপকাৰ
কিবাবত নৰক ভুগিম?
ধনঞ্জয়। আহিছে সুবাহু
নতুন গৰাকী এই পিনে।
চন্দ্ৰাৱলীৰ প্ৰবেশ।
চন্দ্ৰাৱলী। (কাগজ পঢ়ি )
উদয় গিৰিৰ পৰা অস্ত গিৰিল'কে
চন্দ্ৰাৱলী একেটি ৰতন,
সুগন্ধ বায়ু বয় চন্দ্ৰাৱলী নাম
সুবাসিত অতি মনোৰম;
নেথাকিব আন একো মোৰ হৃদয়ত
চন্দ্ৰাৱলী থাকোতে মনত।
ধনঞ্জয়। ক’ত পালে আইদেও,—
এ নহয় —নতুন গৰাকী,
এনেকুৱা সুন্দৰ কবিতা
ক’ত পালে নতুন গৰাকী?
চন্দ্ৰাৱলী। আছিল গছৰ গাতে তাতে পালো মই।
ধনঞ্জয়। গছতো কবিতা ফুল ফুলে।
চন্দ্ৰাৱলী। আহিছে ভনিটী মোৰ।
ৰবিছোন, নকৰিবি ধেমালি এতিয়া।
হেমাঞ্জলীৰ প্ৰবেশ।
