এই পৃষ্ঠাটোৰ বৈধকৰণ হৈছে
চন্দ্ৰাৱলী
হয় নিশা সূৰ্য্য নথকাৰ বাবে।
ধনঞ্জয়। ভাল কথা একোকে নেজান;
দেখিছনে কেতিয়াবা ৰজাৰ নগৰ
জয়। নাই দেখা, কিন্তু হ’লে
দেখিছোঁ বহুত হাবি।
ধনঞ্জয়। তেনেহ'লে নৰক ভুগিবি।
জয়। নোভোগা নৰক।
ধনঞ্জয়। নিশ্চয় ভুগিবি।
জয়। নগৰ নেদেখা বাবে, কিয়?
ধনঞ্জয়। নাই দেখা নগৰ যেতিয়া
নাই দেখা ভাল মানুহৰ
তই ভাল ব্যৱহাৰ,—
নাই শিকা ভাল কথা একো
নাই শিকা ভাল কথা যদি
বেয়া কথাকেহে তই সদাই শিকিছ;
বেয়া কথা শিকিলি যেতিয়া
পাপত পৰিছ,
সেইবাবে নৰক ভুগিবি।
জয়। সৰ্বনাশ এই দৰে হলে-
সকলো অসাৰ।
নহয় তোমাৰ কথা, নোভোগে নৰক।
