এই পৃষ্ঠাটোৰ বৈধকৰণ হৈছে
৪৫
চন্দ্ৰাৱলী
কিবা যদি আছে অৰণ্যত
কদাপিও ভোকত নমৰা,
ধৈৰ্য্য ধৰি থাকিবা সুৰথী।
পুষ্কৰৰ প্ৰস্থান।
⸻
পঞ্চম গৰ্ভাঙ্ক।
⸻০⸻
অৰণ্য।
ধৰ্ম্মপাল, গদাপাণি আৰু লগৰীয়াসকলৰ প্ৰবেশ।
ধৰ্ম্মপাল। গল কেনি পুৰন্দৰ,
ইমান পৰতো আহি নোলাল ইয়াত?
১ম লগৰীয়া। কৰবাত গান এটা শুনি
পুৰন্দৰ ৰঙ্গত বিভোল হৈ আছে।
ধৰ্ম্মপাল। গান শুনি পাইনে আনন্দ পুৰন্দৰে?
২য় লগৰীয়া। সৌৱা তেওঁ এই পিনে আহিছে আপুনি।
পুৰন্দৰৰ প্ৰবেশ।
ধৰ্ম্মপাল। আনি ফল মূল আগত সজাই লৈ
তোমালকে আছোঁ বাট চাই।
