পৃষ্ঠা:চন্দ্ৰাৱলী.djvu/৪৬

ৱিকিউৎসৰ পৰা
নেভিগেশ্যনলৈ যাওক সন্ধানলৈ যাওক
এই পৃষ্ঠাটোৰ বৈধকৰণ হৈছে
৪০
চন্দ্ৰাৱলী।


হেমাঞ্জলী। নোৱাৰোঁ নোৱাৰোঁ যাব আৰু
এখন্তক জিৰোৱাঁ ইয়াতে।
ধনঞ্জয়। শুদা গাটো দাঙ্গি নিব পাৰোঁ,
কিন্তু সৰহ কাপোৰ-কাণি দেখি
নোৱাৰোঁ কৰিব হ'লে সাহ।
চন্দ্ৰাৱলী। পালোঁহি নৈমিষ বন।
ধনঞ্জয়। ভাল মই অকৰা আছিলোঁ,
সুন্দৰ নগৰ এৰি
সোমালোঁহি হাবিৰ মাজত।

জয় আৰু বিজয়ৰ প্ৰবেশ।

দুয়ো ⸻

(গীত)

বিভাস-একতালা।

আজি তোমাক কৰিম পূজা চকুৰ পানীৰে।
হৃদয় ফুলৰ প্ৰণয় মালা পিন্ধাম ৰঙ্গেৰে।
হিয়াৰ আশা দিম বলি,
দিম সুখত জলাঞ্জলি,
তুমি পুৰাবা জগত খনি মধুৰ হাঁহিৰে।
কোমল হিয়া সুখে থ’বা,
প্ৰণয় ছবি হিয়াত ল’বা
আঁকি দিবা সুখৰ ছবি প্ৰেম-লেখনিৰে।

বিজয়ৰ প্ৰস্থান।