এই পৃষ্ঠাটোৰ মুদ্ৰণ সংশোধন কৰা হৈছে
একুলে ওকুলে দুকুলে গোকুলে
কে আৰ আমাৰ আছে।
ৰাধা বলে আৰ শুধাইতে নাহি
দাঁড়াতে আমাৰ কাছে। ”
ৰচিতখাঁ। ক্যা বাত! ক্যা বাত! লাও চিৰাজি! লাও চিৰাজি!
- (মদ খায়; আৰু লগৰীয়া কেইজনেও খায়।
নটীয়ে গায়,--
(গীত)
(যদি) প্ৰাণত নুঠিল প্ৰণয় হিল্লোল,
অন্তৰত অনুৰাগ,
প্ৰেমৰ প্ৰতিমা হিয়াত নাথাপিলা,
মিছা সেই পূজাভাগ।
আনন্দৰ লোৰে চকু নিতিতিল,
হাঁহিত অৰুণ ৰেখা,
তেন্তে প্ৰিয়তম, মিছা শ্ৰম কিয়?
আৰু মোক নিদিবা দেখা।
মৰম কৰোতে যদি পোৱা দুখ,
মৰমে এৰক প্ৰাণ।
