এই পৃষ্ঠাটোৰ বৈধকৰণ হৈছে
( ১৫ )
ঘোষা। জয় যদুপতি জগন্নাথ, নিয়োক দাসক উদ্ধাৰি।
তজু দাস বুলি মোক কৃপা কৰা, তুমি জগবন্ধু হৰি॥৬৪
দোলড়ি। তটস্থ লক্ষণে, তাহাঙ্ক বুজায়া,
ধ্যানক কৰিলা সাৰ।
ঈশ্বৰত বিনা, সস্তৰ কৃপাত,
নেদেখিলা বস্তু আৰ॥৬৫
যাত হন্তে হৱে, জগতৰ জন্ম
পালন পুনু সংহাৰ৷
হেনয় কৃষ্ণক, ভজো ধ্যান কৰোঁঁ,
পূজো মঞি বাৰম্বাৰ॥৬৬
যিহেতু সন্ত, প্ৰপঞ্চত হৰি,
অনুগত হুয়া আছা।
ঈশ্বৰে এড়িলে, কিছু নৰহয়,
তিলেকতে হবে মিচা॥৬৭
ঘট পট স্তম্ভ, আদি কৰি যত
সংসাৰে বস্তু আছয়।
সবাকে ব্যাপিয়া, আছা ভগৱন্ত
এড়িলে কিছু নৰয়॥ ৬৮
এতেকে জানিবা, যিতো বস্তু আছে,
তাতে তাতে আছা হৰি।
