এই পৃষ্ঠাটোৰ বৈধকৰণ হৈছে
দেৱতা নিৰ্ণয়।
ভজনীয় কৃষ্ণ।
চবি।
যাহাৰ বদন পদ্মে, সৰস্বতী সদা থাকা,
লক্ষী থাকা সদা বক্ষস্থলে।
যাৰ হৃদয়ৰ জ্ঞান, হেন নৃসিংহৰ মঞি
সেৱা কৰোঁ চৰণ যুগলে॥৩১
ইতো জগতৰ সৰ্গ, বিসৰ্গক আদি কৰি,
নৱবিধ লক্ষণ লক্ষয়।
যিতো জগতৰ ধাম, সৰ্ব্বমুখে অনুপাম
হেন কৃষ্ণ প্ৰণামো নিশ্চয়॥৩২
যাৰ কৃপা মাত্ৰে মুকো, পণ্ডিত হোৱয় জানা,
খোৰা সবো পৰ্ব্বত লঙ্ঘয়।
হেনয় পৰমানন্দ, মাধৱক বন্দো সদা,
যাক ভক্তি বিধিয়ো কৰয় ॥৩৩
সমস্ত শাস্ততে সাৰ, ভাগৱত নাম যাৰ
একে বৃক্ষে ব্যাপিছে জগত।
কল্পতৰু দেৱতাৰ, যাৰ বাঢ় স্কন্ধে সাৰ,
বেদে যাৰ অঙ্কুৰ সতত॥৩৪
