এই পৃষ্ঠাটোৰ বৈধকৰণ হৈছে
গুৰু-নিৰ্ণয়।
দোলড়ি।
দামোদৰ আগে, কৃষ্ণ মহাভাগে
কহিলা গুৰুৰ ভেদ।
ব্ৰাহ্মণ সবাৰ, তিনি গুৰু জানি,
সংশয় কৰিয়ো ছেদ॥ ৯
ইতো সংসাৰত, যাত হন্তে জন্ম
পুৰুষে আসি পাৱয়।
তাঙ্কে আদ্যগুৰু, শাস্ত্ৰত কহয়,
পুত্ৰৰ পূজ্য হৱয়॥ ১০
ব্ৰাহ্মণ সবৰ, উপনয়নাদি,
সংস্কাৰ যিতো কথাৱে।
যিতো মোৰ সম, মহাপূজ্যতম
দ্বিতীয় গুৰু বোলাৱে॥ ১১
আশ্ৰমৗ সবৰ, যিতো জ্ঞানদাতা,
সিতো গুৰু জানা ময়।
মহা পূজ্যোত্তিম, শিষ্যৰ যিহেতু
সংসাৰ দূৰ কৰয়॥ ১২
