এই পৃষ্ঠাটোৰ বৈধকৰণ হৈছে
(১৩৪)
পতন খলনে যিতো, সৰ্পবিষ জ্বৰ তাপে,
গাত্ৰভঙ্গ তাড়নে বোলয়।
হৰিক প্ৰণামো মঞি, বচন বোলয় মাত্ৰ,
তেৰে নৰকত নপৰয়॥ ৭০০
কপট পূৰ্ব্বকে যিতো, বিষ্ণুক নময় সিতো,
পূৰ্ব্বৰ জন্মৰ যত পাপ।
তেতিক্ষণে কৰে নাশ, নাহিকে সন্দেহ আত,
পলাই পাপ পায়া মহাতাপ॥ ৭০১
বিষ্ণুৰ প্ৰণাম সম, তীৰ্থ কোটী নুহিকয়,
যজ্ঞ কোটী নুহিকে সমান।
যি হেতু বিশ্বাস কৰি, শৰণ পূৰ্ব্বকে নমি,
সংসাৰক কৰয় নিৰ্জ্জান॥ ৭০২
একবাৰ কোনো জনে, কৃষ্ণক প্ৰণাম কৰি,
পুনুৰপি সংসাৰে নাশয়।
দশ অশ্বমেধ কৰি, মুহিকে তাহাৰ সৰি,
যিতো পুনু সংসাৰে ভ্ৰময়॥ ৭০৩
নৰসিংহ দেব পূজ্য, তাহান প্ৰণাম গুহ্য,
যিতো নমে কায় বাক্য মনে।
তাঙ্ক মোৰ নমস্কাৰ, যাতো জানিলেক সাৰ,
যাক পূজা কৰে দেবগণে॥ ৭০৪
