এই পৃষ্ঠাটোৰ বৈধকৰণ হৈছে
(১১১)
তোমাৰ চৰণে শৰণ পশিলোঁ হৰি এ,
মায়াক নিবাৰি দিয়োক মোক নিৰ্ভয় ৰাম ৰাম॥৬০২
ভকতি নাজানো মিনতি নাজানো হৰিএ,
শৰণে পশিলোঁ তোমাৰ দেখি মহিমা ৰাম ৰাম।
মঞি মহাদীন তুমি দীনবন্ধু হৰিএ,
মঞি পাতেকীৰ পাতেকৰ নাহি সীমা ৰাম ৰাম॥৬০৩
শ্ৰবণ কীৰ্ত্তন স্মৰণ ভকতি হৰি এ,
সমস্ত জীবৰ আছে আত অধিকাৰ ৰাম ৰাম।
হেনয় সুগম ভকতি তেজিয়া হৰি এ,
তোমাৰ মায়ায়ে মোক কৰি আছে ছন্ন ৰাম ৰাম॥৬০৪
তজু নিজ নাম সততে স্মৰিবোঁ হৰি এ,
তোমাৰ একান্ত দাসৰ সঙ্গক যাইবোঁ ৰাম ৰাম।
বিষয় বাসনা দূৰ কৰি আমি হৰি এ,
কথামৃত শুনি পৰম আনন্দ পাইবোঁ ৰাম ৰাম॥৬০৫
লেচাৰি।
কৃষ্ণ কৃষ্ণ কৃষ্ণ কৃষ্ণ মুকুন্দ মুৰাৰি।
চতুৰ্ভুজ শঙ্খ চক্ৰ গদা পদ্ম ধাৰী।
ৰাম ৰাম ৰাম ৰাম গোপাল গোবিন্দ।
কৃষ্ণ কৃষ্ণ কৃষ্ণ নমো পদ অৰবিন্দ॥৬০৬
