এই পৃষ্ঠাটোৰ বৈধকৰণ হৈছে
(৩)
অনন্তৰে শৈল্য সেনাপতি যুগ্ধ দিলা।
সসৈন্য সহিতে ৰাজা যমঘৰে নিলা॥
হস্তি ঘোঁৰা পদাতি সকলে কৈলা হত।
চাৰি মহাৰথি মাত্ৰ এৰাইল ৰণত॥ ৮ ॥
কৃপ, কৃতবৰ্ম্মা, অশ্বত্থামা, দুৰ্যোধন।
ৰণ হাৰি চাৰিয়ো ভৈলন্ত দুখমন॥
মহামন দুখে দুৰ্য্যোধন নৃপবৰ।
ৰহিলন্ত গৈয়া দ্বৈপায়ন সৰোবৰ॥ ৯ ॥
যদি পাণ্ডৱৰ হাত পাৰোঁ এবাইবাক।
তপ কৰি আৰাধিবো শঙ্কৰ গোঁসাইক॥
স্ত্ৰীৰ ক্ৰন্দ শুনি নাথাকো নগৰে।
এহি বুলি গৈলা দ্বৈপায়ন সৰোবৰে॥ ১০ ॥
শুনিয়োক “কথা জন্মিজয় নৃপবৰ”।
যেন মতে ৰণজয় ভৈলা পাণ্ডৱৰ॥
সঞ্জয় বদতি ধৃতৰাষ্ট্ৰ নৃপবৰ।
সন্ধ্যাকালে ৰণ জয় ভৈলা পাণ্ডৱৰ॥ ১১ ॥
অষ্টাদশ দিনমান কৰি ঘোৰ ৰণ।
সন্ধ্যাকালে ভঙ্গ দিয়া গৈলা দুৰ্য্যোধন॥
হেন দেখি পাণ্ডৱে খেদন্তে যায় ধায়।
মহাৰথিগণ সমে নগৰ বেৰাই॥ ১২ ॥
ঢাক ঢোল জয়বাদ্য প্ৰজাৰ আস্ফাল।
হস্তি ঘোঁৰ চিহঁৰয় প্ৰজা কৰে ৰোল॥
