এই পৃষ্ঠাটোৰ বৈধকৰণ হৈছে
( ৬০ )
কৰিয়া অন্যায়, বধিলোহো ভাই,
ৰাজ্য লোভ সুখ আসে।
ধিক্ক বীৰ যশ, থাকিল কুযশ,
শুনি চতুৰ্ভিতি হাসে॥ ৩১৩॥
ক্ৰন্দন আকাৰ, মুখ সবাকাৰ,
দেখি.পাচে দেৱ হৰি।
মধুৰ বচনে, সবাকো তেখনে,
প্ৰবোধন্ত বুধি কৰি॥
শুনা ৰাজাগণ, এৰা কষ্ট মন,
আত দুখ নুজোৱাই।
যিটো দেৱগণে, প্ৰশংসে গগনে,
তাৰাৰো কেনে অন্যায়॥ ৩১৪॥
সন্ধি বুধি কৰি, দৈত্যক সংহৰি,
স্বৰ্গ ভুঞ্জে দেৱগণে।
তেজস্বীৰ কৰ্ম্ম, অধৰ্ম্মই ধৰ্ম্ম,
বুলিয়া মানিবা মনে॥
নাহিকে সংশয়, পাতক দহয়,
অগ্নিত যেন পতঙ্গ।
কৃষ্ণৰ বচনে, সবাহাৰো মনে,
পুনু ভৈলা মহাৰঙ্গ॥ ৩১৫॥
আনন্দ বঢ়াই, কৃষ্ণ মুখ চাই,
চলি গৈলা নিৰন্তৰ।
