এই পৃষ্ঠাটোৰ বৈধকৰণ হৈছে
(৩০)
জানি যুধিষ্ঠিৰ শুনাবাক, সমস্ত পঞ্চক বোলে যাক,
তাক লাগি চলা দুইক যুদ্ধ কৰাইবাক।
তথা দেহা এৰে জিবাজনে, সপ্তস্বৰ্গ পাৱে সেহিক্ষণে,
মহাঋষিগণে কহিছন্ত মোক আক॥
বলোৰ বচন শিৰে ধৰি উঠিলন্ত গিৰিসিত কৰি,
সমস্ত পঞ্চকে পাতিল গৈয়া সমাজ।
শুনিয়োক সভাসদগণে, ৰাম ৰাম বোলা ঘনে ঘনে,
ভাবত কাহিনি কহে মিশ্ৰ কবিৰাজ॥ ১৪৯ ॥
⸻
পদ।
সঞ্জয় বদতি ধৃতৰাষ্ট্ৰ মহাৰায়।
সমস্ত পঞ্চকে যুধিষ্ঠিৰ চলি যায়॥
পঞ্চ শব্দ বজাৱয় প্ৰজা কৰে ৰোল।
তম্বুল শবদে নুশুনিয় মাত বোল॥ ১৫০ ॥
অসংখ্যাত ৰাজা প্ৰজা যান্ত চতুঃপাশে।
তাহাৰ মাজত দুৰ্য্যোধন ৰাজা আসে॥
নাহি ভয়ভিত যেন মত্ত গজ ৰায়।
কৈল্যাস পৰ্ব্বত যেন গদাক উচ্চায়॥ ১৫১ ॥
সমস্ত পঞ্চক গৈয়া পাইলা সামৰাজ।
তথাত পাতিলা গৈয়া বহল সমাজ॥
