এই পৃষ্ঠাটোৰ বৈধকৰণ হৈছে
( ২৪ )
পয়োসিনী, তাম্ৰপন্নি, যমুনা, নৰ্ম্মদা।
ব্ৰহ্মপুত্ৰ, প্ৰয়োশ্বিনী, কমলা, কামুদা॥
বাৰাণসী, গোদাবৰী, পুষ্প ৰণোমতী।
সবাকো স্নানিয়া আসি পাইলো সৰস্বতী॥ ১২০॥
পৰম প্ৰভাৱ যাৰ মহা পাপ হৰ।
ব্ৰহ্মশাপ এৰাইল যাহাত নিশাকৰ॥
এহি কথা শুনিয়া পুছন্ত জন্মিজয়।
কি মতে এৰাইল শাপ কহিয়ো নিশ্চয়॥ ১২১॥
বৈশম্পায়ণ বদতি শুনিয়ো জন্মিজয়।
সাতাইশ দুহিতা পাইল দক্ষ মহাশয়॥
চন্দ্ৰক দিলন্ত বিহা সমস্তে সুন্দৰী।
ৰোহিণীৰ ৰূপ শ্ৰেষ্ঠ সমস্তত কৰি॥ ১২২॥
নয়নে নিলয় তান কমলৰ পাশি।
পূৰ্ণ চন্দ্ৰ মণ্ডল নিন্দয় তান হাসি॥
নাসা তিল ফুল দন্ত মুকুতাৰ কান্তি।
কৰ্ণত কুণ্ডল হিয়ে শোভে হাৰ পান্তি॥ ১২৩॥
বহল হৃদয় তালফল স্তন ভাৰ।
ক্ষীণ মধ্য দেহ দেখি ডম্বৰু আকাৰ॥
মোলা নৰ পাৱ বাহু উৰু কৰি কৰ।
সুদীৰ্ঘ আঙ্গুলি নখ চন্দ্ৰ সম সৰ॥ ১২৪॥
চৰণ কমল গতি হংস যেন যায়।
প্ৰতি খোজে তেজ ফুটি পৰিল পৰায়॥
