এই পৃষ্ঠাটোৰ বৈধকৰণ হৈছে
( ১৪ )
দুলৰী।
যুধিষ্ঠিৰ ৰায়, কোপে কাম্পে কায়,
বোলে শুন দুৰ্য্যোধন।
লোকে হাসিবাৰ, বাক্য দুৰাচাৰ।
বোলস কিয় এখন॥
আঙ্গুলেক ভূমি, নেদো বুলি তুমি,
প্ৰতীজ্ঞা কৰিলি বৰে।
কামোৰ ভেজাই, শিলা ধিলা পায়,
তাককি শৃগালে এৰে॥ ৬৩॥
মহা বৈৰী সঞ্চি, নিজ ৰাজ্য বঞ্ছি,
কৰিলি তই অন্যায়।
গুণি চোৱা মনে, দেখিবো আপোনে,
পলাইলে আৰু নেৰাই॥
শকুনি কৰ্ণৰ, ছুঙ্গি হিত কৰ,
কাঢ়ি ৰাজ্য লৈলি মোৰ।
মই খেদি পাশ, গৈলোঁ বনবাস,
দ্ৰৌপদী কি শত্ৰু তোৰ॥ ৬৪॥
⸻
