এই পৃষ্ঠাটোৰ বৈধকৰণ হৈছে
৩০৭
গদাধৰ।
বৰপাত্ৰ।-
দুয়ো সত্য ভাঙ্গৰীয়া!
শলাগোঁ দুয়োকে। কাৰণত কাৰ্য্য মিলি,
ওচালাঁ অশান্তি, আৰু যত উত্পাত
হল নিবাৰণ।
বঃগোঃ৷-
তথাপি শলাগোঁ ঘুৰি
মন্ত্ৰী ফুকনক, শান্তি স্থাপনৰ হেতু,
শান্ত ভাৱে শান্তি ৰক্ষা কৰালে যি জনে।
নহলে, ৰখায় কোনে সেনানীৰ প্ৰাণ,
ৰাখি সিমানতে?
বঃফুঃ৷-
নিজৰে ব্যৱস্থা আগ;
পিচত কাৰণ হই থিয় দিলোঁ মাথোঁ।
এতেকতে যশভাগ লোৱাঁ আগে নিজে,
পাচে ভাগ মোৰ
বৰপাত্ৰ।-
যিবা হোক৷
মূলকথা আলচোঁ এতিয়া।
হব লাগে অভিষেক ৰজা গদাপাণি,
অনতিপলমে জানা।
বৰপাত্ৰ-
শুভস্য শীঘ্ৰম্।
বঃ গোঃ৷-
হব লাগে আৰম্ভণ।
প্ৰচাৰ কৰিব লাগে, ৰাজনীতি মতে,
গদাপাণি অভিষেক কথা। হব লাগে
