এই পৃষ্ঠাটোৰ বৈধকৰণ হৈছে
৩০৮
গদাধৰ।
শুভবাৰ্ত্তা নগৰত ৰাষ্ট্ৰ চউপাশে,
—অহা সাদিনত।
বঃ ফুঃ।— হোৱা নাই বিধিৱত।
তিনি মন্ত্ৰী একে ঠাঁই হব লাগে আগে,
আলোচনা হয় যেবে ৰজা ভাঙ্গিবৰ।
নাই দেখোঁ, ‘বুঢ়া’ জনা আজি? দিব লাগে
তেৱোঁ যোগ আহি।
বৰপাত্ৰ।- নাহে তেওঁ কদাপিও।
বঃ ফুঃ।— কি হব উপায়?
বঃ গোঃ।—উপায় লাগিয়ে আছে;—
আছোঁ তিনি মন্ত্ৰী আমি, নালাগে সিজন।
নিবিচাৰোঁ আৰু।
বৰপাত্ৰ।— বিচাৰত মন্ত্ৰীবাব
বৰফুকনৰ পূৰ্ব্বাপৰ আছে ৰীতি।
ভাঙ্গিব পাতিব পাৰি, তিনি মন্ত্ৰী বহি;
—আছোঁ তিনি আমি।
বঃ ফুঃ।— নহয় অবিধি যদি
বঃ গোঃ।—হব বিধিৱত।
আপদত অযুগুত আৰু আছে বিধি।
বঃ ফু।— ভাঙ্গিব আগেয়ে লাগে,
পাচেহে পাতনি। আগেয়ে প্ৰচাৰ হোক
লৰা-ৰজা ভগা কথা; লগে লগে তাৰ
গদাপাণি অভিষেক জাননী যুগুত।
ভাবি চোৱাঁ দুয়ে।
