এই পৃষ্ঠাটোৰ বৈধকৰণ হৈছে
৭৫
কৰ্ণ পৰ্ব্ব।
পৰবলে যত্নে ভীম ভৈলেক কাখৰি।
লৱৰিয়া নকুলে গৈলেক ৰণ এৰি॥
শুনা সৰ্ব্বজনে সাৰ ভাৰতৰ কথা।
ইহেন মনুষ্য জন্ম নকৰিয়ো বৃথা॥ ৪০২॥
হৰি ভক্তি কৰি কৰা জনম সফল।
জ্ঞান ভক্তি কৰ্ম্ম বিনে সকলি বিফল॥
ৰাম সৰস্বতী ভনে এৰা আন কাম।
জন্মৰ সাফল হৌক বেলা ৰাম ৰাম॥ ৪০৩॥
⸻
ছবি।
নমো নমো নাৰায়ণ ভৱবন্ধ বিনাশন
অৰুণ চৰণে মোৰ গতি।
ভক্তি ধনে কিনিয়োক সংসাৰক তাৰিয়োক
বোলে দীন ৰাম সৰস্বতী॥ ৪০৪॥
বৃষষেণ দেখিলেক ভীম আসি পৰতেক
নকুলক কৰিলেক ত্ৰাণ।
ক্ৰোধে চিত্ত নোহে থিৰ ভীম ধনঞ্জয় বীৰ
দুইকো শৰ কৰিলা সন্ধান॥ ৪০৫॥
অসংখ্যত কাটি শৰে মহা ক্ৰোধে অৰ্জ্জুনয়ো
ভীমক মাতিলা বীৰবৰ॥
