এই পৃষ্ঠাটোৰ বৈধকৰণ হৈছে
৭৬
কৰ্ণ পৰ্ব্ব।
আগ পাছ নিবিচাৰি হেন আচণ্ডিকা কৰি
অভিমন্যু গৈলা যম ঘৰ॥ ৪০৬॥
ইহাক দেখিছোঁ যাৱে বিষাদ আমাৰ ভাৱে
উদবিগ্ন কৰে মোৰ মন।
ভীমে বোলে স্নেহ এৰি মাৰা আক শীঘ্ৰ কৰি
অপক্ষিলে বাঢ়ে শত্ৰুগণ॥ ৪০৭॥
এহি বুলি বৃকোদৰ ধনঞ্জয় বীৰবৰ
দুইৰো শৰে ছানিলা আকাশ।
বিপৰিত শৰ আতি দিনতে ভৈলেক ৰাতি
ন সঞ্চৰে ৰবিৰ প্ৰকাশ॥ ৪০৮॥
বৃষষেণে আগবাঢ়ি দিব্য অস্ত্ৰ কাৰিকাৰি
একলে দুহাঙ্কো যুদ্ধ দিলা।
শৰ ছয় কাটি নাশি দুই জনে থাসি থাসি
সিংহ নাদে দিশক পুৰিলা॥ ৪০৯॥
ঘোৰ ৰণে বৃষষেণে দেখিলেক দুৰ্য্যোধনে
পাণ্ডৱক ভঙ্গাইলে একলে।
মহা বেগে দুৰ্য্যোধন সঙ্গে লৈয়া বীৰগণ
বেঢ়ি ৰণ দিলা সম দলে॥ ৪১০॥
পাণ্ডৱৰ বীৰ চয় একলে মিলিলে ভয়
ঘোৰ যুদ্ধ কৰিলে সকলে।
বতাস চলাইল বেগে যেন প্ৰলয়ৰ মেঘে
দশো দিশে কৃষবৰ্ণে চলে॥ ৪১১॥
