এই পৃষ্ঠাটোৰ বৈধকৰণ হৈছে
১০১
কৰ্ণ পৰ্ব।
ভীমসেন মাদ্ৰীৰ তনয় ভিন্নে ভিন্নে।
যুধিষ্ঠিৰ ৰাজাক আবৰি ৰঙ্গ মনে॥
আনো সব বীৰগণ অস্ত্ৰ শস্ত্ৰ ধৰি।
আগে পাছে চলে সবে পতকাক ধৰি॥ ৫৪০॥
চিহ্নধ্বজ দণ্ড ছত্ৰ তুলি নচুৱায়ে।
শঙ্খ ভৰি কতো জনে কৰতাল বাৰে॥
ঢাল টোল ডামামা বাজাৱে বীৰ মাঝে।
সেনাৰ আন্দোল নুশুনি শবদ বাঝে॥ ৫৪১॥
এহিমত আনন্দে চলন্ত যুধিষ্ঠিৰ।
কতো বেলি পাইলা গৈয়া আপোন মন্দিৰ॥
ৰথৰ নামিয়া অভ্যন্তৰে পশিলন্ত।
স্বকি স্বকি স্থানে বীৰগণ বহিলন্ত॥ ৫৪২॥
কৃষ্ণ ধনঞ্জয় দুয়ো নামিলা ৰথৰ।
হাতে ধৰাধৰি কৰি গৈলা অভ্যন্তৰ॥
চৰণ পখালি কিছু ভোজন কৰিলা।
ৰাজাগণ আসি সবে দুৱাৰে ৰহিলা॥ ৫৪৩॥
কৃষ্ণ ধনঞ্জয় দুয়ো আনন্দিত মনে।
ৰাজাৰ পাশক লাগি গৈলা ৰঙ্গমনে॥
ৰত্ন সিংহাসনে যুধিষ্ঠিৰ নৃপবৰ।
অমৰাৱতী পাটে যেন দেৱ পুৰন্দৰ॥ ৫৪৪॥
এক পাশে আসি কৃষ্ণা দেবী বসিলন্ত।
কৃষ্ণ ধনঞ্জয় সেহি সভাক গৈলন্ত॥
