এই পৃষ্ঠাটোৰ বৈধকৰণ হৈছে
৬২
কুমৰ-হৰণ
অনিৰুদ্ধ বদতি শুনিয়ো বৰনাৰী।
বৰ দোষ কৰিলো তোমাৰ ভ্ৰাতৃ মাৰি॥
যমৰ সদনে পাঠাইলোহো দশ ভাই।
দুৰ্ঘোৰ কন্দল আসি হুইবে এহি ঠাই॥
তযু ভ্ৰাতৃ বধ শুনি ৰুষিব সকল।
সবাকো মাৰিবো ঘোৰ লাগিব কন্দল॥
মেলানি দিয়োক মোক যাওঁ নিজ ৰাজ্য।
থাকিয়োক প্ৰাণেশ্বৰী মিলিল অকাৰ্য্য॥
হেন শুনি ঊষা কুমৰৰ পাৱে ধৰি।
মধুৰ বচনে কান্দি মাতিলা সুন্দৰী॥
তুমি এড়ি গৈলে প্ৰাণ যাইবে এতিক্ষণে।
মৰা দশ ভাইতো মোৰ কষ্ট নাহি মনে॥
বাপৰ ধনক সব পৰিয়ালে খাই।
ভাইৰ ধন মান সবে হাতে তোলা পাই॥
স্বামীৰ ধনক সৰ্ব্বকালে কৰে ভোগ।
মৰা দশ ভাইক ৰাখিবে নোহে যোগ॥
দশো ভাইৰ বধ দেখি ৰখীয়া সকল।
নৃপতিৰ আগে গৈয়া উপসন্ন ভৈল॥
ৰখীয়া সকলে বোলে কিনো অদভুত।
সেই চোৰে মাৰিলে তোমাৰ দশ পুত॥
