পৃষ্ঠা:কুমৰ হৰণ ৷ চন্দ্ৰ ভাৰতী.pdf/৬৬

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
৬৩
কুমৰ-হৰণ

শুনি মহামৰ্ম্মে ৰাজা কৰিলা আদেশ।
চতুৰঙ্গ দল সাজি যায়োক নিঃশেষ॥
মোৰ পুত্ৰগণ চলি যাউক সাতো আগ।
পলাইবেক দুষ্ট চোৰ ঝাণ্টে লৈয়ে লাগ॥
চতুৰ্ব্বিধ সেনাগণ ৰাজাৰ আদেশে।
সবে সমৰক লাগি চলিল বিশেষে॥
কেহো গজে কেহো ঘোড়া কেহো ৰথে চড়ে।
পুত্ৰগণ সমে সবে প্ৰজাগণ লড়ে॥
নৃপতিৰ পুত্ৰগণ পাইলে আগে যাই।
কুমৰক বোলয় আছয় কোন ঠাই॥
অনিৰুদ্ধ ঊষায়ে খেলান্তে পাছে পাশ।
ৰতিৰস আনন্দতে তোলে দুয়ো হাস॥
কুমৰক মহা খঙ্গে পাৰে সবে গালি।
ঝাণ্টে আস শয্যাৰ উঠিয়া গাৱ চালি॥
বাণ নৃপতিয়ো খেদি গৈলা সেহি ঠাৱ।
তাক দেখি অনিৰুদ্ধে চালিলন্ত গাৱ॥
ঊষায়ে সহিতে নমিলন্ত জানুশিৰে।
বচন বুলিলা আতি মেঘৰ গম্ভীৰে।
তোমাৰ দুহিতা ঊষা আনিলে আমাক।
অষ্টম দিবস ভৈল বিহাইলো ইহাক॥