এই পৃষ্ঠাটোৰ বৈধকৰণ হৈছে
১৪
কুমৰ-হৰণ
শয্যাত বুলাই হাত কৈক গৈল প্ৰাণনাথ
তুমি বিনে প্ৰাণ ছাৰি যাই।
কোন দোষে গৈলা এৰি প্ৰভু বুলি পাৰে গেৰি
জাগি চিত্ৰলেখা আছে চাই॥
শয্যাৰ ধৰিলা তুলি কি কি ভৈল কি ভৈল বুলি
চিত্ৰলেখা পুছে ধীৰে ধীৰে।
সখি মোত কহিয়োক শুনি হাসিবেক লোক
তুমি মোত কহিও সুথিৰে॥
চেতন লভিয়া পাছে মাত বোল এৰি আছে
নিশ্বাস কাঢ়য় ঘনে ঘন।
ভাগৱত পদ ছবি শ্ৰীচন্দ্ৰ ভাৰতী কবি
পদ বিৰচিলে সুপ্ৰসন্নে॥
শুনিয়োক সৰ্ব্বজন হৰিপদে দিয়া মন
এৰিয়োক হৃদয়ৰ কাম।
গুচোক দুৰ্গতি যত মিলোক মঙ্গল শত
জানি ডাকি বোলা ৰাম ৰাম॥
⸻⸺
