এই পৃষ্ঠাটোৰ বৈধকৰণ হৈছে
বাসন্তী কুঁহি।
১
শিশিৰৰ অন্তহলে বসন্তই দেখা দিলে
জগতে যেতিয়৷ ধৰে মধুৰ আকৃতি,
প্ৰকৃতিৰ চেঁচা গাত জিলিকিলে কুঁহিপাত
নলভে চকুৱে জানে৷ অপূৰ্ব তৃপিতি।
হব পাৰে বসন্তৰ মন প্ৰাণ মুগ্ধকৰ
নানাবিধ ফুলে গঢ়া ননোহৰমনোহৰ হিয়া,
ভোমোৰাৰ গুণগুণ, কুলিৰ কোমল সুৰ
হবপাৰে জীৱনৰ সুখৰ অমিয়া।
সেউজীয়া আসনত গোলাপৰ হাঁহিটিয়ে
নিবপাৰে মন প্ৰাণ নিলগতে হৰি,
মলয়াত বৈ যোৱা মালতীৰ মৃদুগোন্ধে
কবপাৰে পথিকক সুখৰ বাতৰি।
সৌন্দৰ্য্য জগৎ যুৰি আশে পাশে শাৰী শাৰী
আছে কত বসন্তৰ লক্ষ সহচৰ,
কুঁহিৰ কোমল হিয়া কেৱলে চিনাকি দিয়া
আপোন লাজুকী ৰূপে পৰৰ ৰূপৰ।
