এই পৃষ্ঠাটোৰ বৈধকৰণ হৈছে
বাঢ়িছে, বাঢ়িব যুগৰ লগতে
আমাৰো দীপ্তি আমাৰো মান।
নাই আৰু ভয়, নহয় লুপ্ত
ওলাল নাম জগত যুৰি,
জলিব নিয়তে সত্যৰ পোহৰ
সপোন মুখেৰে অখিল ভৰি
⸻:০:⸻
প্ৰকৃত শান্তি।
২৭
যাৰ আশ্ৰয়ত, মনৰ মাজত
বিশ্ব ব্ৰহ্মাণ্ড জ্বলে,
দিব্য দৰ্শনৰ, অতুল জ্যোতিত
জ্ঞানৰ মলয়া বলে
বাসনাৰ ঢৌ শোকৰ অগনি,
হৰিষৰ উদগণি,
মায়াৰ কুঁৱলি, পলায় দূৰতে
অকাল প্ৰলয় গণি।
সেয়েই শান্তি মনৰ ভ্ৰান্তি
পলায় আগত যাৰ,
জগতৰ মহা কৈল্যান সাধক,
সকলো সুখৰ সাৰ।
⸻:০:⸻
