এই পৃষ্ঠাটোৰ মুদ্ৰণ সংশোধন কৰা হৈছে
৪৬
কিষ্কিন্ধ্য়া কণ্ড।
তথাপি বালীক তাৰা বুজাই বুলিলন্ত।
ভকতৰ পদে ৰামে অন্য়ায় কৰন্ত॥
ভকত বৎসল গুণ এতেকে ৰামৰ।
সুগ্ৰীৱ ভকতি তান্তে কৰে নিৰন্তৰ॥
এতেকে শংসয় প্ৰভু দেখোহো মনত।
ক্ৰোধে বালী বোলে মোক বুজাৱ শকত॥
নিচুকিয়া থাক কিছু'নুবুজস কাজ।
এহি বুলি চলি গৈলা যুদ্ধক হুয়া সাজ
প্ৰবোধিলা যেবে বালী প্ৰবন্ধ বচনে।
পালটি ৰহিলা তাৰ। অসন্তোষ মনে॥
বাধাক নমানি বালী সমৰক যাই।
মাথাৰ উপৰে কাক শগুণ বনাই॥
বাম পাশে সৰ্প যাই ডাহিনে শৃগাল।
কাক গৃধ পক্ষীৰ আকাশে কোলাহল॥
চও বায়ু বহে খোলা খাপৰৰ ঝাক।
কিষ্কিন্ধ্যাত ৰুধিৰে বৰিযে জাকে জাকে॥
হাঞ্চি জেঠি নমানিয়া ৰণক গমন।
বালী সুগ্ৰীৱৰ দুইৰো ভৈলা দৰিশণ।
দুইকো দুই তাৰ্জ্জিয়া গৰ্জ্জিয়া পাৰে গালি।
লাগি গৈলা সমৰ সুগ্ৰীৱ বীৰ বালী।
